Бер максат өчен бергә

2024 елның 22 августы, пәнҗешәмбе

Бүген махсус хәрби операция зонасында якташларыбызга ярдәм итүдә бердәм зур команда булу бик мөһим. Ютазы районының «көмеш» волонтерлары махсус хәрби операциядә катнашучы хәрби хезмәткәрләребез өчен гуманитар ярдәм җыюны һәм маскировка челтәрләре әзерләүне дәвам итәләр.

Бу челтәрләрне ясау технологиясе ютазылылар тарафыннан яттан өйрәнелгән, әмма алар һәрвакыт бу эшләнмәләрне үзенә бертөрле итеп эшлиләр, аларга мәхәббәт һәм җылылык салалар.

Мондый мөһим эштә Ютазы районының «Гармония» халыкка социаль хезмәт күрсәтү комплекслы үзәге хезмәтләреннән файдаланучы Роза Зәйнетдинова да актив катнаша.