«Кайгырту» приюты балалары һөнәри юнәлеш бирү экскурсиясендә булдылар

2024 елның 20 августы, сишәмбе

Балалар һәм яшүсмерләр өчен «Кайгырту» социаль приютында тәрбияләнүчеләр иртә һөнәри юнәлеш бирү дәресләре кысаларында ДОСААФ төбәк иҗтимагый-дәүләт берләшмәсенең Алексеевск җирле оешмасында тематик экскурсиядә булдылар.

Балаларга ДОСААФ тарихы турында видеофильм күрсәттеләр, яшь буынны хәрби хезмәт нигезләренә әзерләү һәм гражданнарны хәрби‑патриотик тәрбияләү буенча оешма эшчәнлегенең төп юнәлешләре турында сөйләделәр. Балалар машина йөртүчеләрне әзерләү кабинетларында булдылар, төрле хәрби белгечлекләр турында кызыксынып тыңладылар.