Түбән Каманың «Шәфкать» үзәгендә йөкле хатын-кызлар белән очрашу узды

2024 елның 8 августы, пәнҗешәмбе

Түбән Кама районындагы «Шәфкать» халыкка социаль хезмәт күрсәтү комплекслы үзәге психологы Гүзәл Минһаҗева «Ләкләк көтәбез» клубында катнашучылар арасында тренинг дәресе үткәрде. Очрашуның темасы – «Мин һәм минем балам».

Чара авыр тормыш хәлендә булган йөкле хатын-кызларның эмоциональ халәтен яхшыртуга юнәлдерелгән иде. Катнашучылар бала табуга һәм гаилә эчендәге үзгәрешләргә әзерләнүгә юнәлдерелгән сулыш күнегүләрендә һәм психологик әңгәмәләрдә катнаштылар. Психолог тынычлыкның, уңай хис-кичерешләрнең һәм булачак ана роленә җаваплы мөнәсәбәтнең мөһимлеген ассызыклады.

Чара булачак сабыйларга хәйрия бүләкләре тапшыру белән тәмамланды.