Минзәләнең социаль хезмәт күрсәтү үзәгендә психологик уен уздырдылар

2024 елның 7 августы, чәршәмбе

6 августта Минзәләнең халыкка социаль хезмәт күрсәтү комплекслы үзәге белгече «Аралашудагы кыенлыклар белән идарә итү» темасына төркемле дәрес үткәрде. Чарада «Үзенекеләр арасында үзенеке» психологик уен уйнадылар. Аның максаты – балаларны үзләренең һәм башка кешеләрнең индивидуальлеген кабул итәргә һәм бәяләргә өйрәтү.

Уенда катнашучылар биремнәрне үтәделәр, сорауларга җавап бирделәр, тормыш кыйммәтләре турында сөйләштеләр. Уенны рефлексия белән тәмамладылар.