Беркем дә игътибарсыз калмый

Махсус хәрби операциягә Түбән Кама шәһәреннән шактый ирләр киткән. Алар арасында А. Бурнин да бар. Бер елдан артык элек ул МХОга үз теләге белән китә.

А. Бурнин – расчет командиры, хәрби хезмәт вакытында уңышлы башкарылган операция өчен бүләкләнгән. Ул үзенең үрнәге белән башкаларга һәм бигрәк тә балаларына чын ир-ат нинди булырга тиешлеген күрсәтә.

А. Бурнин ялга кайтканда, Түбән Кама районындагы «Шәфкать» халыкка социаль хезмәт күрсәтү комплекслы үзәге базасында эшләүче тегү цехында була. Биредә ул үз бригадасы өчен волонтерлар әзерләгән кирәкле әйберләрне җыя.

Бу игелекле, сизгер, батыр кеше – үз гаиләсенең таянычы. А. Бурнинны өендә хатыны һәм ике улы көтә. Кече уллары инвалид. Бу елның мартына кадәр гаилә «Шәфкать» үзәгендә социаль хезмәт күрсәтүдә торган, социаль хезмәтләр алган.

Бернигә дә карамастан, хатыны иренә ярдәм итәргә тырыша. Ул гуманитар ярдәм җыя, башка волонтерлар белән бергә маскировка челтәрләрен үрергә вакыт таба.

А. Бурнинга сугышчан хәрәкәтләр ветераны статусы бирелгән. Гаилә төрле социаль ярдәм чараларыннан файдалана. Социаль ярдәм чаралары турында гаилә, шул исәптән, «Забота о своих» сайтында белә.