«Астра» тернәкләндерү үзәгендә гаилә ата-аналар көне узды
Россия Президенты Владимир Путин игълан иткән Гаилә елы кысаларында айның һәр соңгы сишәмбесендә барлык мөмкинлекләре чикләнгән балалар һәм яшүсмерләр өчен тернәкләндерү үзәкләрендә һәм инвалидларны тернәкләндерү үзәкләрендә ачык гаилә / ата-ана көннәре үткәрелә.
30 июльдә Алабуганың «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә шундый чара узды. Чакырылган экспертлар балалар поликлиникасы табиб-педиатры Анна Ефремова, РФ Пенсия һәм социаль иминиятләштерү фондының Алабуга районындагы клиент хезмәте җитәкчесе урынбасары Ольга Косинцева булды. Экспертлар күпбалалы гаиләләргә, шул исәптән инвалид балалар тәрбияләүче гаиләләргә дәүләт тарафыннан социаль, медицина, хокукый ярдәм чаралары турында сөйләделәр.
Түгәрәк өстәл барышында ата-аналар дәүләт структуралары вәкилләренә сораулар бирделәр, шулай ук борчыган сораулар буенча шәхси консультация алдылар.