Арча «Балалар – балаларга. Гаиләгә рәхим итегез» проектында катнаша

2024 елның 24 июле, чәршәмбе

Арча районында быел июль аенда балалары туган ата-аналарга туу турындагы таныклык белән бергә Гаилә, мәхәббәт һәм тугрылык көне символы төшерелгән открыткалар тапшыралар.

«Шәфкать үзәге» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе балигъ булмаган балалары һәм «Арча» волонтерлык хәрәкәте активистлары «Балалар – балаларга. Гаиләгә рәхим итегез» проектында катнаша. Социаль эш буенча белгеч җитәкчелегендә балалар Гаилә, мәхәббәт һәм тугрылык көне символы белән открыткалар ясадылар.

ЗАГС бүлегендә яңа туган балаларга теләкләр язылган открыткалар җыю өчен тартма урнаштырдылар. Шунда ук 8 июльдән башлап һәм ай дәвамында яңа туган балаларның әти-әниләренә бүләк тапшыралар.