Социаль хезмәтләр алучылар өчен табибка кадәрге ярдәм күрсәтү буенча мастер-класс үткәрелде

2024 елның 24 июле, чәршәмбе

23 июльдә «Пятерочка» сәүдә челтәре кибете һәм Россия Кызыл Хачның Татарстан төбәк бүлеге табибка кадәрге беренче ярдәм күрсәтү буенча мастер-класс үткәрделәр. Чарада Зәй районының «Шатлык» халыкка социаль хезмәт күрсәтү комплекслы үзәгенең көндезге тору бүлегендә социаль хезмәтләр алучылар катнашты.

Практик дәресләр вакытында катнашучылар алган белемнәрен практикада куллана алдылар. Бүлектә тәрбияләнүчеләр инструкторларны зур кызыксыну белән тыңладылар һәм сораулар бирделәр.

Алынган күнекмәләр киләчәктә стандарт булмаган ситуацияләрдә тынычлык сакларга һәм мохтаҗларга ярдәм күрсәтергә ярдәм итәчәк.