«Шәфкать үзәге»ндә өлкәннәр акыл, хәтер һәм фикерләүне яхшырта

2024 елның 24 июле, чәршәмбе

Өлкән яшьтәге гражданнарның гомер озынлыгын арттыруга һәм аларның тормыш сыйфатын яхшыртуга юнәлдерелгән «Демография» милли проектының «Өлкән буын» федераль проектын гамәлгә ашыру кысаларында Арча районының «Шәфкать үзәге» халыкка социаль хезмәт күрсәтү комплекслы үзәгендә социаль хезмәт алучылар белән эшләүдә гражданнарның физик һәм психологик сәламәтлеген саклауга ярдәм итә торган төрле технологияләр кулланыла. Шундый технологияләрнең берсе – газета һәм журналлар уку. Уку өлкән яшьтәге кешенең хәтерен яхшырта, аңа күбрәк уңай хис-кичерешләр алырга, уйланырга ярдәм итә.

Нәкъ менә шундый дәресләр фикерләүне һәм хәтерне, гомуми ми эшчәнлеген яхшырта. Уку шулай ук өлкән яшьтәге кешеләрнең гомуми тормыш сыйфатын яхшырта ала.