Арча районында социаль хезмәт алучылар музыкаль мастер-класста катнаштылар

2024 елның 23 июле, сишәмбе

Арча муниципаль районының «Шәфкать үзәге» халыкка социаль хезмәт күрсәтү комплекслы үзәгендәге көндезге тору бүлегендә социаль хезмәт алучылар өчен вокал буенча мастер-класс үткәрелде. Аны Казан консерваториясе студенты һәм «Созвездие-Йолдызлык» фестиваленең Гран-при иясе Адилә Зиннәтуллина үткәрде.

Мастер-класста дөрес һәм ритмик хәрәкәтләр, координация, интонация формалаштыру өстендә эшләделәр. Музыка дәресе һәркемгә үз сәләтләрен ачарга һәм күрсәтергә ярдәм итте.

Чара азагында барлык катнашучыларга проект иганәчесе – «Елмай» заводыннан бүләкләр тапшырдылар.