Яңа таянычлар ничек табарга
Наркомания белән авыручыларны социаль тернәкләндерү бүлеге белгечләре Казанның халыкны эш белән тәэмин итү үзәге идарәсе белгечләре белән берлектә наркология диспансерының тернәкләндерү бүлекләре пациентларына сәламәт тормышка кайту һәм социаль проблемаларны хәл итү өчен яңа ресурслар табарга булышалар.
18 июльдә амбулатор тернәкләндерү бүлеге базасында наркотикларга бәйлелектән дәваланган һәм медицина тернәкләндерүен тәмамлаучы пациентлар белән очрашу кысаларында социаль тернәкләндерүне дәвам итү мөмкинлекләре һәм шартлары турында әңгәмә, индивидуаль мотивацион консультация үткәрелде. Гражданнар өчен төп мәсьәлә булып эшкә урнашу тора, шуңа күрә мәшгульлек үзәге белгечләре һөнәри юнәлеш буенча тест үткәрделәр, эшчәнлек, эшкә урнашу яки һөнәри белем бирүнең мөмкин булган юнәлешләре турында киңәшләр бирделәр.
Очрашуда катнашучыларның барысы да тәкъдим ителгән мөмкинлекләр белән кызыксындылар, бу мондый инициативаларның мөһимлеге һәм кирәклеге турында сөйли.