Лениногорскида стажировка мәйданчыгы утырышы узды
19 июльдә «Логос» психология үзәге базасында «Кабат хокук бозуларны профилактикалау. Үз составында иректән мәхрүм итү белән бәйле булмаган җәза чараларына хөкем ителгән балигъ булмаган балалары булган гаиләләр белән эшләү» темасына стажировка мәйданчыгының чираттагы утырышы булып узды.
Лениногорск районының «Исток–Башлангыч» халыкка социаль хезмәт күрсәтү комплекслы үзәге хезмәткәрләре Яшел Үзән, Сарман һәм Менделеевск районнарындагы коллегалары белән очраштылар. Профилактика субъектлары хезмәткәрләре дә катнашты. Максатчан аудитория белән районның эш тәҗрибәсе белән уртаклаштылар, кулланыла торган технологияләр һәм проектлар турында сөйләделәр, практик дәресләр уздырдылар.
Социаль контракт төзегән хатын-кыз хокук бозган балигъ булмаганнар белән шөгыльләнүдә кулланыла торган магнитлар ясау буенча мастер-класс үткәрде.
Барлык катнашучыларның актив катнашуы аркасында борчыган мәсьәләләр буенча фикер алыштылар һәм аларны хәл итү юлларын билгеләделәр.