Теләче районында ел ахырына кадәр медицина учреждениеләренә 1 100 өлкән яшьтәге авыл кешесен китерәчәкләр

2024 елның 18 июле, пәнҗешәмбе

«Демография» милли проектының «Өлкән буын» федераль проекты кысаларында авыл җирендә яшәүче 65 яшьтән өлкәнрәк затларны һәм инвалидларны медицина учреждениеләренә китерү эше дәвам итә.

Теләче районында 2024 елда 1 100 кешене чаралар белән колачларга планлаштыралар, шул исәптән диспансерлаштыру узу өчен – 420 кешене. Бүгенгә медицина учреждениеләренә 666 кеше китерелгән.

Өлкән яшьтәге гражданнарны һәм инвалидларны медицина учреждениеләренә Теләче район үзәк хастаханәсе белән килештерелгән график буенча бушлай китерәләр.