Югары Ослан интернат-йортында туган көн чарасы узды
Югары Осланның өлкәннәр һәм инвалидлар өчен интернат-йортында яшәүче Валентина Павлованы 88 яше белән котладылар. Аны учреждениедә бик кадерлиләр. Ул «көмеш» волонтер, «Иҗат шатлыгы» түгәрәгенең актив катнашучысы, шат күңелле, позитив кеше, башка социаль хезмәт алучыларга һәрвакыт ярдәм итәргә әзер.
Туган көн уңаеннан белгеч Гөлчәчәк Карпова җитәкчелегендәге түгәрәкчеләр үз куллары белән ачкычлар элгеч ясадылар. Традиция буенча аерым бүләкне «Казан әниләре» хәйрия фонды бирде.
Валентина Павлова үзе дә үз бүләген әзерләүдә актив катнашты.
Гөлчәчәк Карпова сүзләренә караганда, туган көн бәйрәменә багышланган мондый чаралар интернат-йортта даими үткәрелә. Оештыручылар аларны мөмкин кадәр өйдәгечә һәм җылы итәргә тырыша, бу учреждениедә чын-чынлап өй атмосферасын тудырырга ярдәм итә, социаль хезмәтләр алучыларны дустанә, бер-берсенә игътибарлы мөнәсәбәттә булырга өйрәтә.