Алабуга интернат-йортында яшәүчеләр шәһәрнең истәлекле урыннарының берсендә булдылар

2024 елның 17 июле, чәршәмбе

«Җәйге сәфәрләр» проекты кысаларында Алабуганың өлкәннәр һәм инвалидлар өчен интернат-йортында яшәүчеләр өчен шәһәрнең төп символларының берсе – Шайтан шәһәрчегенә экскурсия оештырылды.

Манарага һәм аның тирәсенә барганда хезмәткәрләр меңьеллык Алабуганың тарихы, шәһәрчек, аның безнең көннәргә кадәр ничек саклануы, шәһәрнең бүгенгесе һәм киләчәге турында сөйләделәр.

Экскурсия катнашучыларда иң яхшы хисләр һәм тәэсирләр калдырды. Алда социаль хезмәтләр алучыларны яңа ачышлар һәм сәфәрләр көтә.