Минзәләдә социаль контракт төзегән гражданнарны тикшерделәр

2024 елның 10 июле, чәршәмбе

1 июльдән 8 июльгә кадәр Минзәлә халыкка социаль хезмәт күрсәтү комплекслы үзәгенең гаилә белән эшләү буенча белгече комиссия составында социаль контракт төзегән гражданнарга баруларда катнашты. Тикшерүләрнең максаты шәхси эшкуарлык эшчәнлеген гамәлгә ашыру, үзмәшгульлекне оештыру һәм шәхси ярдәмче хуҗалык алып бару буенча чараларны гамәлгә ашыруны анализлау булды.

Территориаль социаль яклау органы тарафыннан гражданнарның үз эшләрен башкару өчен төп җиһазлар алуын раслаучы документлар тикшерелде. Шулай ук минзәләлеләрне «Минем салым» шәхси кабинетыннан керемнәр турында белешмәләрне вакытында тапшыру турында кисәттеләр.

Минзәлә муниципаль районында барлыгы 15 кеше тикшерелде.