Социаль хезмәт алучылар Гаилә, мәхәббәт һәм тугрылык көнен билгеләп үттеләр
Илнең төп гаилә бәйрәмендә Әлмәт шәһәренең «Ветеран» инвалидларны тернәкләндерү үзәгендә «Ромашка бүләк ит» акциясе узды. Ул социаль хезмәтләр алучыларга гаиләнең әһәмияте, гаилә кыйммәтләре һәм традицияләре турында искә төшерде.
Югары Ослан өлкәннәр һәм инвалидлар өчен интернат-йортына шагыйрь-җырчы Евгений Скрябин килде. Ул барысын да, шул исәптән интернат-йортта яшәүче гаилә парларын да, бәйрәм белән котлады.
Ютазы муниципаль районы Башкарма комитетының ГХАТ бүлегенең тантаналар залында 8 июльдә күп еллар бергә яшәгән гаилә парларын хөрмәтләделәр.
Социаль хезмәт күрсәтүдә торучы Яңа Чишмә районыннан Хөснетдиновлар һәм Чесноковлар гаиләләре сапфир һәм тимер туйларын билгеләп үтәләр. Аларны «кайгырту» социаль хезмәт күрсәтү үзәге хезмәткәрләре котлады.
Чистайның «Юлдаш» өлкәннәр һәм инвалидлар өчен интернат-йортында «Ярата, яратмый» дигән викторина узды.
Аксубай районындагы балалар һәм яшүсмерләр өчен «Хыял» социаль приютында тәрбияләнүчеләр һәм аларның әти-әниләре җырладылар һәм биеделәр, гаилә турында мәкальләрне һәм әйтемнәрне искә төшерделәр, табышмаклар чиштеләр, һәркайсы үз гаиләсенең гореф-гадәтләре турында сөйләде. Бәйрәм хөрмәтенә шулай ук «Объективта гаилә» акциясе оештырылды.
Бәйрәмгә Минзәлә районының «Умырзая» мөмкинлекләре чикле балалар һәм яшүсмерләр өчен тернәкләндерү үзәге тәрбияләнүчеләре һәм аларның әти-әниләре дә чакырылган иде.
Бәйрәм концерты Яңа Чишмә өлкәннәр һәм инвалидлар өчен интернат-йортында узды.
Теләче районы «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре «Зур гаилә яллары» проекты кысаларында ата-аналар һәм балалар катнашында спорт-күңел ачу чарасы оештырдылар.