«Ышаныч» үзәгенең балта эше остаханәсендә дәресләр дәвам итә

2024 елның 9 июле, сишәмбе

Яр Чаллыда «Ышаныч» халыкка социаль хезмәт күрсәтү комплекслы үзәгенең көндезге тору бүлегендә социаль хезмәт алучылар балта эше остаханәсендә эшләрен дәвам итәләр.

Шулай итеп, кием элгеч ясау эше бара. Инде билгеләнгән зурлыктагы такталар кисеп алынган, тигезсезлекләрдән чистартылган. Аларны эмаль, лак белән каплап, ыргаклар урнаштырырга гына кала.

Бүген социаль хезмәтләр алучылар бу әйберләрне буяу белән шөгыльләнде. Буяу – алар өчен яңа эшчәнлек юнәлеше. Үзәк белгечләре җитәкчелегендә дәрестә лак-буяу материалы белән эшләү күнекмәләрен үстерделәр.

Катнашучылар куелган бурычны үтәделәр. Йомгаклау этабында яшьләргә башлаган эшләрен тәмамларга һәм йомгаклау эшен тәкъдим итәргә туры киләчәк.