Тәтеш районында хокукый ярдәм көне оештырылды

2024 елның 2 июле, сишәмбе

2 июльдә Тәтеш районының социаль яклау бүлеге базасында ата-аналары алимент түләүдән баш тарткан балалары булган гаиләләргә түләүсез хокукый ярдәм көне оештырылды. Чарада суд приставлары хезмәте, мәшгульлек үзәге, балигъ булмаганнар эшләре һәм аларның хокукларын яклау комиссиясе, социаль яклау белгечләре катнашты.

Киңәш сорап баланың әнисе мөрәҗәгать итте. Хатын-кызга килеп туган хәлдән чыгу өчен хокукый ярдәм күрсәтелде.

Чираттагы гражданнарга алимент түләтү буенча хокукый ярдәм көне 6 августта оештырылачак.