«Кояшкай» тернәкләндерү үзәгенә музыкаль кунаклар килде

Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәге Татарстан Республикасы дәүләт академия симфоник оркестрының брасс-секстетын кабул итәргә шат иде. Оркестрның сәнгать җитәкчесе һәм баш дирижеры – Россия Федерациясенең һәм Татарстан Республикасының халык артисты Александр Сладковский.

Россиянең иң яхшы симфоник оркестрларының берсе артистларыннан торган инструменталь ансамбль балалар һәм аларның ата-аналарының күңел кылларына кагылды. Музыкантлар Данила Егоров, Николай Алексеев, Сергей Антонов, Руслан Вәлиев, Михаил Красничкин, Дмитрий Любавин тыңлаучылар өчен классик музыка шедеврларын башкардылар.