Бөтенроссия эшкә урнашу ярминкәсе 28 июньдә узачак
28 июньдә «Россия эше. Мөмкинлекләр вакыты» Бөтенроссия эшкә урнаштыру ярминкәсенең федераль этабы узачак. Регионнар буенча чаралар программасы «Россия эше» порталының аерым битендә бар: https://trudvsem.ru/yarmarka2024.
Ярминкә чаралары бөтен ил буенча меңнән артык мәйданчыкта узачак. Шулай ук ТАСС мәгълүмат агентлыгы ярдәме белән Бөтенроссия эшкә урнаштыру ярминкәсе көнендә 6 сәгатьлек онлайн-марафон узачак, анда 40тан артык спикер онлайн режимда хезмәт базарындагы вәзгыять турында фикер алышачак.
Бөтенроссия эшкә урнаштыру ярминкәсе Президент кушуы буенча ел саен үткәрелә. Беренче төбәк этабы 12 апрельдә көндезге чаралар форматында узды. Икенче этапка, оффлайн-форматка өстәмә рәвештә, «Россия эше» порталында эш бирүчеләрнең витринасы белән бердәм онлайн-киңлек булдырылган (https://trudvsem.ru/yarmarka2024). Шулай ук ярминкә битендә һәм Россия Хезмәт министрлыгының социаль челтәрләрендә актуаль темалар буенча дискуссияләр трансляциясе оештырылачак.
Һәр субъект үз ярминкә программасын җирле хезмәт базарының үзенчәлекләрен исәпкә алып планлаштыра: дәгъвачыларга иң кызыклы вакансияләр, җитештерү мәйданчыкларына сәнәгать турлары, мастер-класслар, тренинглар һәм башка чаралар, шул исәптән онлайн-активлык һәм күңел ачу чаралары тәкъдим ителәчәк.
Чарада катнашу дәгъвачылар өчен дә, эш бирүчеләр өчен дә бушлай.