Ни өчен Бөтенроссия эшкә урнашу ярминкәсенә барырга кирәк
Эш бирүчеләр белән тиз әңгәмәләр, һөнәри юнәлеш бирү тестлары узу, үз эшеңне ачу, ихтыяҗлы һөнәр буенча яңадан укыту буенча консультацияләр алу мөмкинлеге – бу Бөтенроссия эшкә урнаштыру ярминкәсе биргәннең бик аз өлеше генә. Вакансияләр белән беррәттән, «Демография» милли проекты буенча модернизацияләнә торган заманча мәшгульлек хезмәтенең барлык мөмкинлекләре дә тәкъдим ителәчәк.
Ярминкәнең федераль этабы 28 июньдә узачак. Татарстанда чаралар 49 мәйданчыкта узачак. Казанлыларны 10:00дән 14: 00гә кадәр М. Горький исемендәге үзәк мәдәният һәм ял паркында көтәчәкләр.
Быел Бөтенроссия эшкә урнашу ярминкәсенең төбәк этабында 604 эш бирүчегә 29 меңнән артык вакансия тәкъдим ителде. Чараларда 12 меңнән артык татарстанлы катнашты.
Ярминкәдә эш тапкан кешеләрнең берсе Д. Мальцев. Аның сатуда зур тәҗрибәсе бар. Д. Мальцев һәрвакыт җиңел автомобильләр сатуда эшләргә теләгән. Эшкә урнаштыру ярминкәсендә ул «Транстехсервис» ИК ҖЧҖ вәкилләре белән аралаша. Тәҗрибә һәм һөнәри күнекмәләре Д. Мальцевка шунда ук автосалон начальнигы урынбасары вазифасына эшкә урнашырга мөмкинлек бирә.
А. Хәкимуллина пенсия алды яшендә. Бу яшьтә эш эзләү җиңел түгел, шуңа күрә ул Кукмара районы халыкны эш белән тәэмин итү үзәгенә эш эзләүдә ярдәм сорап мөрәҗәгать итә. Эшкә урнаштыру ярминкәсендә А. Хәкимуллина «Тойма» ҖЧҖнең кадрлар хезмәте вәкиле белән әңгәмә уза, аш-су остасы буларак эшкә алына.
«Россия эше. Мөмкинлекләр вакыты» Бөтенроссия эшкә урнаштыру ярминкәсенең федераль этабы чараларында теләгән һәркем катнаша ала.
Мәйданчыклар, чаралар үткәрү вакыты һәм һәр мәйданчыкта активлык программасы турында тулырак мәгълүмат белән монда танышырга мөмкин >>.