«Чишмә» үзәгенең Карау мәктәбендә гражданнарны укытуны дәвам итәләр

2024 елның 21 июне, җомга

Бүген Теләче районы «Чишмә» халыкка социаль хезмәт күрсәтү комплекслы үзәгенең өй бүлеге белгече Кече Кибәхуҗа авыл җирлеге фельдшеры белән берлектә аз хәрәкәтләнүче гражданның өендә Карау мәктәбенең чираттагы дәресен үткәрде. Дәрес актуаль тема буенча оештырылды.

Уку вакытында төп гигиена чаралары турында җентекләп сөйләделәр һәм карават өстен һәм кием-салымны ничек дөрес алыштырырга, гигиена чараларын ничек башкарырга икәнен күрсәттеләр.

«Демография» милли проектының «Өлкән буын» федераль проекты ярдәмендә үз-үзеңә хезмәт күрсәтү сәләте нык кимегән кешеләрне караучы туганнар көндәлек тормышта куллану өчен файдалы мәгълүмат һәм гамәли күнекмәләр ала.