«Кайгырту» приютында гадәти булмаган мода күрсәтү узды

2024 елның 14 июне, җомга

Алексеевск районының «Кайгырту» балалар һәм яшүсмерләр өчен социаль приютында тәрбияче Наталья Корнева экологик мода күрсәтү үткәрде. Чара экологик культура формалаштыруга, табигатькә сакчыл мөнәсәбәт тәрбияләүгә, экологик грамоталы буын тәрбияләүгә, балаларның һәм өлкәннәрнең игътибарын калдыкларны эшкәртү һәм икенчел чимал җыю проблемасына җәлеп итүгә, талантлы иҗади балаларны ачыклауга юнәлдерелгән.

Катнашучылар төрле икенчел чималдан костюмнар һәм аларга аксессуарлар сайладылар. Күңелле музыкага балалар уйдырма подиумда дефиле күрсәттеләр.