«Шәфкать» үзәгендә көндезге тору төркеменең чыгарылыш кичәсе узды
Шушы көннәрдә Түбән Кама районының «Шәфкать» халыкка социаль хезмәт күрсәтү комплекслы үзәгендә менталь инвалидлар өчен көндезге тору төркеменең чыгарылыш кичәсе булып узды.
Төркем эше ел дәвамында 13 балигъ булмаган бала белән алып барылды. Катнашучылар төрле юнәлешләр буенча дәресләргә, мастер-классларга, экскурсияләргә, тематик кичәләргә йөрделәр, конкурсларда катнаштылар, социаль-көнкүреш һәм танып белү эшчәнлегендә шактый белем алдылар.
Ата-аналар көндезге тору төркеменең эше турында видеоролик, балалар эшләренең күргәзмәсен карадылар, ел дәвамында балаларның нәрсә белән шөгыльләнгәннәрен күрә алдылар һәм аларның уңышлары өчен шатлана алдылар.
Чыгарылыш чарасына төркем әгъзалары «Урман әкиятләре» спектаклен әзерләгәннәр иде. Тантаналы өлештән соң балалар, ата-аналар һәм үзәк белгечләре пикникка киттеләр. Саф һавада психолог Гүзәл Минһаҗева команда формалаштыру һәм балалар–ата-аналар арасындагы мөнәсәбәтләрне яхшырту буенча тренинг уеннары үткәрде.