«Опека» үзәге белгечләре көндезге тору төркеме белән төрле дәресләр үткәрә

Әлмәт муниципаль районында «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә көндезге тору төркеме белән чираттагы дәрес узды. Чараның темасы – «Пыялада рәсем ясыйбыз».

Дәрес вак моторика, иҗади фикерләү, рәсем эшчәнлеге күнекмәләрен үстерүгә юнәлдерелгән. Арт-терапевтик методика буларак пыялада рәсем ясау кулланыла. Методика иҗади күнекмәләрне үстерүгә ярдәм итә, шулай ук психоэмоциональ халәтне оптимальләштерүгә юнәлдерелгән, чөнки пыяла өслегеннән тактиль тойгылар кирәкле релаксацион эффект тудыра.