«Изгелек» үзәге тернәкләнүчеләре Мөмкинлекләр фестивалендә катнаштылар
20 апрельдә Яр Чаллы шәһәренең «Изгелек» инвалидларны тернәкләндерү үзәгенең көндезге тору бүлегенең социаль хезмәтләр алучылары инвалидлар һәм сәламәтлек мөмкинлекләре чикләнгән затлар арасында «Абилимпикс» һөнәри осталык буенча региональ чемпионат кысаларында авыр һәм күпсанлы үсеш бозулары булган затлар өчен Мөмкинлекләр фестивалендә катнаштылар.
Яр Чаллыда фестиваль беренче тапкыр уздырыла. Чараның максатлары – инвалидларга үзләренең һөнәри осталыкларын күрсәтү мөмкинлеге бирү һәм шәхси потенциалларын үстерү.
Социаль хезмәтләр алучылар дүрт компетенциядә катнашты: бисердан үрү, пластилин белән рәсем ясау, вокал, туку.
Фестиваль катнашучылар, аларның әти-әниләре һәм белгечләр өчен чын бәйрәмгә әверелде. Барысы да чараны оештыручыларга зур рәхмәт белдерде.
Чарада 15 кеше катнашты.