Казан белгечләре халыкара һөнәри осталык конкурсында җиңүчеләр булдылар
Казан шәһәренең халыкка социаль хезмәт күрсәтү комплекслы үзәгенең көндезге тору бүлегенең социаль педагоглары Ирина Чигарова һәм Гөлнара Карпухина «Казанышлар импульсы – 2024» дигән аутизм спектры бозылулары һәм башка менталь тайпылышлары булган балалар белән эшләүче педагогларның һәм белгечләрнең һөнәри осталыгы халыкара конкурсында җиңүчеләр булдылар. Конкурс Казан (Идел буе) федераль университеты тарафыннан уздырыла һәм менталь тайпылышлары булган балалар белән шөгыльләнүче белгечләрнең һөнәри дәрәҗәсен күтәрүгә юнәлдерелгән.
«Социаль әһәмиятле чараларның методик эшләнмәләре» номинациясендә «Социаль тормыш нигезләре» социаль практикасын куллану буенча белешмә» эше тәкъдим ителде. Практика «Шәхси гигиена һәм сәламәтлек», «Торак», «Кием һәм аяк киеме», «Туклану», «Коммуникация», «Иминлек», «Уңышка адым», «Ориентация» юнәлешләре буенча социаль хезмәтләр алучыларның социаль-көнкүреш һәм социаль-тирәлек күнекмәләрен мөмкин кадәр үстерүгә, саклауга һәм (яки) актуальләштерүгә юнәлдерелгән. Бу практика шулай ук «Менталь тайпылышлары булган кешеләрдә социаль-көнкүреш һәм социаль-тирәлек күнекмәләрен формалаштыру практикасы» стажировка мәйданчыгы эшенең нигезе булып тора, көндезге тору бүлекләре хезмәткәрләре өчен зур практик әһәмияткә ия.