«Астра» тернәкләндерү үзәге инвалид балаларга һөнәри юнәлеш бирү тәҗрибәсе белән уртаклашты
Татарстан Республикасы социаль хезмәт күрсәтү оешмалары җитәкчеләре һәм белгечләренең һөнәри компетенцияләрен камилләштерү буенча эш кысаларында Алабуга районының «Астра» мөмкинлекләре чикле балалар һәм яшүсмерләр өчен тернәкләндерү үзәге «Безнең тирәдә һөнәрләр» темасына стажировка үткәрде. Чарада Лаеш, Яшел Үзән, Кукмара һәм Яр Чаллы балалар тернәкләндерү үзәкләре белгечләре катнашты.
Мәйданчык эше түгәрәк өстәлдән башланды. «Астра» үзәге белгечләре Юлия Драничникова һәм Миләүшә Гатина үсеш үзенчәлекләре булган балалар белән һөнәри юнәлеш бирү эшен оештыру турында сөйләделәр, «Безнең тирәдә һөнәрләр» комплекслы программасын тәкъдим иттеләр. Аннары стажировка мәйданчыгы эше ачык дәресләргә йөрү белән дәвам итте.
Адаптив физик культура буенча инструктор Александра Пензина яшүсмерләрне һөнәри юнәлеш бирүгә юнәлдерелгән ачык дәрес үткәрде, шул исәптән «Абилимпикс» һөнәри осталык конкурсының төбәк этабында катнашуга әзерлек кысаларында.
Педагог-психолог Ирина Матвеева балалар белән берлектә рольле уен-интервью күрсәтте. Балалар шәхеснең үзенчәлекләренә һәм мөмкинлекләренә туры килгән аңлы профессиональ сайлау күрсәттеләр.