«Изгелек» үзәгендә «Фән белән ярыш» дигән чара узды

2024 елның 21 марты, пәнҗешәмбе

20 мартта Яр Чаллы шәһәренең «Изгелек» инвалидларны тернәкләндерү үзәгендә Татарстанда Фәнни-технологик үсеш елы кысаларында «Фән белән ярыш» физкультура-сәламәтләндерү чарасы үткәрелде. Дәреснең максатлары: физик культура һәм спортны пропагандалау, социаль хезмәтләр алучыларда фәнне өйрәнүгә мотивацияне арттыру.

Чара ике программа буенча ярышлар формасында узды. Спорт программасы буенча төрле эстафеталар уздырылды. Фәнни программа кысаларында катнашучылар табышмаклар чиште һәм фән турында сорауларга җавап бирде.

Физик һәм менталь тайпылышлары булган яшьләр уңай эмоцияләр алдылар һәм фән турында белемнәрен тулыландырдылар.

Дәрестә сигез кеше катнашты.