«Чишмә» үзәгендә «Ярдәм кулы» технологиясе буенча дәрес узды
13 март көнне Теләче районы «Чишмә» халыкка социаль хезмәт күрсәтү комплекслы үзәгенең социаль педагогы Фәния Гайнетдинова «Ярдәм кулы» технологиясе буенча дәрес үткәрде. Чарада көндезге тору төркеменең социаль хезмәтләрен алучылары катнашты.
Дәреснең максатлары – сәламәтлеккә сакчыл караш тәрбияләү һәм файдалы һәм зарарлы ризыклар, сәламәт һәм дөрес туклану турында белемнәрне ныгыту. Педагог яшелчә һәм җиләк-җимеш карточкалары белән эшләде. Шулай ук төрле җиләк-җимеш һәм яшелчәләр татып карадылар, яшелчәләрдән ясалган ризыклар турында сөйләштеләр. Социаль хезмәт алучылар яшелчә культураларын карау өчен агротехниканы да искә төшерделәр.
Киләсе дәрес йорт яны участогы территориясендә узачак, анда социаль хезмәтләр алучылар сәламәт продукция үстерүдә үз сәләтләрен һәм мөмкинлекләрен күрсәтәчәк.