«Ышаныч» үзәгендә ата-аналар өчен мастер-класс узды
Яшел Үзәндә «Ышаныч» мөмкинлекләре чикле балалар һәм яшүсмерләр өчен тернәкләндерү үзәгендә кечкенә яшьтәге балаларның ата-аналары өчен «Ашау күнекмәләрен формалаштыру» дигән мастер-класс уздырдылар.
Иртә ярдәм – тормыш эшчәнлеге чикләнгән балаларның гына түгел, аларның гаиләләренең дә иминлегенә тәэсир итүче системаның мөһим элементы. Нәкъ менә шуңа күрә учреждениедә даими рәвештә әлеге категориядәге балаларның ата-аналары өчен мастер-класслар, тренинглар, фокус-төркемнәр үткәрелә.
Узган мастер-класста ата-аналар авырлыклар белән эшләүнең гамәли алымнарын өйрәнделәр: туклану режимы бозылу, өстәл артында утыру кыенлыгы, балаларда сенсор интеграциясенең бозылуы. Чарада катнашучылар ни өчен баланы өстәл артында урнаштыру, махсус савыт-саба сайлау мөһим икәнен белделәр. Ата-аналар туклану вакытында баланың видеосын карадылар һәм хаталарны билгеләделәр.