«Яңарыш» үзәге тәрбияләнүчеләре танып белү дәресендә катнашты

2024 елның 4 марты, дүшәмбе

Ел саен яз башында Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә 3 нче мәктәп волонтерлары белән берлектә экологик танып белү чарасы үткәрелә.

Шушы көннәрдә волонтерлар балаларны тирә-юньдәге чынбарлык белән таныштыру, аларны үсемлекләр һәм яшелчәләр үстерү буенча практик эшчәнлеккә җәлеп итү, тәҗрибә-тикшеренү эшенә кызыксыну уяту өчен мастер-класс үткәрделәр.

Балалар тәрәзә төбендә бакча утыртуда актив катнаштылар. Бергә суган һәм борыч утырттылар. Балалар беренче үсентеләрнең чыгуын түземсезлек белән көтәләр һәм күзәтәләр.