Буа интернат-йортында саф һавада Яңа ел тамашасы оештырылды

2024 елның 10 гыйнвары, чәршәмбе

Бүген Буаның өлкәннәр һәм инвалидлар өчен интернат-йортында саф һавада чара узды. Социаль хезмәтләр алучылар учреждение белгечләре оештырган «Боз патшалыгында, карлы дәүләттә» миниатюрасында катнаштылар.

Чарада катнашучылар әйлән-бәйлән уйнадылар, Яңа ел җырларын җырладылар, «Чишмә» уенын уйнадылар һәм күңелле вакыт үткәрделәр.

Чараның максаты социаль хезмәтләр алучылар арасында уңай кызыксынулар, дуслык мөнәсәбәте формалаштыру һәм кәеф күтәрү иде.