«Кайгырту» приютында тәрбияләнүчеләр өчен танып белү экскурсиясе
«Музей һәм балалар» атналыгы кысаларында Алексеевск районында балалар һәм яшүсмерләр өчен «Кайгырту» социаль приюты тәрбияләнүчеләре өчен Фән һәм техника музеена виртуаль экскурсия үткәрделәр. Чараның максаты – заманча көнкүреш приборлары барлыкка килү тарихына танып белү кызыксынуын формалаштыру.
Уен биремнәренә җавап биреп, тәрбияләнүчеләр кеше көн саен өй шартларында куллана торган төрле электр техникасының исемнәрен санап чыктылар. Шулай ук балалар тарихка чумдылар һәм музейга виртуаль экскурсия барышында элек көнкүрештәге хезмәт процессын җиңеләйтү һәм тизләтү өчен нинди приборлар кулланылганын белделәр. Балалар кул тегү машинасын һәм пленкалы фотоаппаратны кызыксынып карадылар, алар белән сак эш итәргә өйрәнделәр.
Фән һәм техника музеенда приют тәрбияләнүчеләре күзаллауларын киңәйттеләр, мөстәкыйль тикшеренү эшчәнлегенең яңа мөмкинлекләрен ачтылар, фән һәм техника арасында өзелмәс бәйләнеш урнаштырдылар.