«Өмет утравы» инвалид балаларга Яңа ел могҗизасы бүләк итте

2023 елның 29 декабре, җомга

Яңа ел алдыннан Югары Ослан районының «Өмет утравы» халыкка социаль хезмәт күрсәтү комплекслы үзәге белгечләре мөмкинлекләре чикле булган кечкенә дусларына кунакка бардылар.

Үзләренең авырулары аркасында бу балалар мәктәпкә һәм массакүләм чараларга йөрмиләр, әмма һәрвакыт бәйрәмне бик көтәләр. Кыш Бабай һәм Кар Кызы костюмнары киеп, социаль учреждение вәкилләре балаларга алар хыялланган бүләкләрне алып килделәр. Китап-энциклопедия, ватрушка, плед, музыка уенчыклары, машиналар, курчаклар үз хуҗаларын тапты.

Мондый очрашулар балаларга шатлык бирә һәм могҗизага ышанырга ярдәм итә.