Арча районында көндезге тору бүлегендә Яңа елны билгеләп үттеләр

2023 елның 28 декабре, пәнҗешәмбе

Кичә Арча районының «Шәфкать үзәге» халыкка социаль хезмәт күрсәтү комплекслы үзәгендә, көндезге тору бүлегендә, социаль хезмәтләр алучылар өчен Яңа елга багышланган чара үткәрелде.

Бу чара беркемне дә битараф калдырмады. Төп геройлар Кыш Бабай һәм Кар кызы иде. Балалар зур рәхәтлек белән кышкы табышмакларны чиштеләр, Кар Кызы белән бергә чыршы тирәли әйлән-бәйлән уйнадылар, биеделәр, күңелле уеннарда катнаштылар, Кыш Бабайның биремнәрен үтәделәр. Барлык катнашучылар да татлы призлар һәм күптән көтелгән бүләкләр алдылар.