«Поляр балкышы» кар десанты отряды Буа интернат-йортында кунакта

2023 елның 25 декабре, дүшәмбе

Буа өлкәннәр һәм инвалидлар өчен интернат-йортына Казан шәһәреннән волонтер студентлар – «Поляр балкышы» кар десанты отряды килде.

Волонтерлар тренажер мәйданчыгын боздан чистартырга ярдәм иттеләр, интернат-йорт хезмәткәрләре белән берлектә Яңа елны бәйрәм итүгә багышланган мәдәни-ял чарасы үткәрделәр. Артистлар социаль хезмәт алучыларны үзләренең ялкынлы биюләре, җырлары һәм төрле уеннар белән сөендерделәр.

Интернат-йорт карамагындагылар кунакларга игътибарлары өчен чын күңелдән рәхмәт белдерделәр һәм аларга яңа җиңүләр һәм уңышлар теләделәр.