Минзәлә районы социаль хезмәт күрсәтү үзәгендә тренировка чарасы узды

2023 елның 21 декабре, пәнҗешәмбе

19 декабрьдә Минзәлә районы халыкка социаль хезмәт күрсәтү комплекслы үзәгендә террорчылыкка каршы һәм янгын куркынычсызлыгын тәэмин итү буенча чаралар планы буенча практик дәрес һәм объект күнегүләре үткәрелде. Чаралар террорчылык акты куркынычы янаганда җитәкче состав һәм персоналның үз-үзләрен тоту күнекмәләрен эшкәртүгә юнәлдерелгән. Шулай ук шартлаткыч җайланмага охшаш предметка тап булганда эш итү алгоритмын кабатладылар.

Янгынга каршы хезмәт хезмәткәре җитәкчелегендә комплекслы үзәк белгечләре янгын вакытында эш итү алгоритмын кабатладылар, шәхси саклану чараларын һәм янгын сүндерү чараларын кулланып карадылар.