Казанда иртә ярдәм системасында гаиләләрне озата бару турында фикер алыштылар
Бүген Татарстан Республикасы хезмәт, халыкны эш белән тәэмин итү һәм социаль яклау министры урынбасары Юлия Абдреева «Иртә ярдәм системасында гаиләне озата бару» темасына түгәрәк өстәл эшендә катнашты. Чарада социаль хезмәт күрсәтү, мәгариф һәм сәламәтлек саклау учреждениеләре вәкилләре катнашты. Алар кече яшьтәге балаларга һәм аларның гаиләләренә хезмәт күрсәтү тәҗрибәсе белән уртаклаштылар.
Иртә ярдәм системасы комплекслы тернәкләндерү һәм абилитациянең башлангыч звеносы, ул балалар организмының бозылган функцияләрен иртә ачыклауга һәм тормыш эшчәнлеге чикләнгән балаларны рациональ маршрутлаштыруга ярдәм итә. Бу ахыр чиктә балаларның инвалидлыгын профилактикалауга ярдәм итә.
Татарстанда 0 яшьтән 3 яшькә кадәрге балаларга һәм аларның гаиләләренә иртә ярдәм оештыру мәсьәләләренә зур игътибар бирелә. Социаль хезмәт күрсәтү оешмалары, шул исәптән дәүләтнеке булмаган тәэмин итүчеләр, тарафыннан мөмкинлекләре чикләнгән балаларга иртә ярдәм күрсәтү буенча хезмәтләр күрсәтү үсеше күзәтелә. 3 ел эчендә сәламәтлек мөмкинлекләре чикләнгән балаларга иртә ярдәм күрсәтү 4 тапкырга диярлек артты.
Чараны Казандагы «Апрель» мөмкинлекләре чикле балалар һәм яшүсмерләр өчен тернәкләндерү үзәге һәм «Поиск» диагностика һәм консультация үзәге оештырды.