Республиканың өлкән кешеләре нәрсә белән яши: «Россия» күргәзмә-форумында Татарстан көне узды
2 декабрьдә «Россия» Халыкара күргәзмә-форумына килүчеләр Татарстан Республикасы белән якыннан таныша алдылар. Чаралар күргәзмәнең биш мәйданчыгында узды. ВДНХ кунаклары татар гореф-гадәтләрен, җырларын һәм биюләрен, әкиятләрен күрделәр. Шулай ук Татарстанның төрле өлкәләрдәге казанышларын һәм төбәкнең туристик потенциалын тәкъдир иттеләр.
«Гаилә. Эш. Озын гомерлелек» мәйданчыгы базасында Хезмәт, халыкны эш белән тәэмин итү һәм социаль яклау министрлыгы олы яшьтәге кеше образын үзгәртүгә юнәлдерелгән чараларны гамәлгә ашыруның төбәк тәҗрибәсен тәкъдим итте. Республика Татарстанда гамәлгә ашырыла торган актив озын гомерлелекнең иң яхшы практикаларын тәкъдир итү буенча киң программа әзерләде. Мастер-класслар, иҗади номерлар, музей киңлекләренә «көмеш» яшьтәге кешеләрне җәлеп итү буенча проектлар презентациясе, виртуаль музей экскурсияләре – күргәзмә-форумга килүчеләргә карар нәрсә күп иде.
Исегезгә төшерәбез, «Россия» Халыкара күргәзмә-форумы ВДНХ территориясендә 2023 елның 4 ноябреннән 2024 елның 12 апреленә кадәр уза.