«Россия» күргәзмәсендә беренче «Актив озын гомерлелек» интерактив картасын һәм кадрлар үзәген тәкъдим иттеләр
4 ноябрьдә, Халыклар бердәмлеге көнендә, «Россия» Халыкара күргәзмә-форумында «Гаилә. Эш. Озын гомерлелек» экспозициясе ачылды. Россия Хезмәт министрлыгының күргәзмә киңлегендә «Актив озын гомерлелек»нең беренче интерактив картасы, «Россия эше» кадрлар үзәге, балалы гаиләләргә социаль ярдәм чараларының эволюциясен күрсәтүче цифрлы медиатоннель һәм «Күп йөзле Россия» мультимедия инсталляциясе тәкъдим ителгән. Күргәзмә чорында павильон кунаклары өчен 600дән артык мастер-класс, лекция, очрашулар, кино күрсәтүләр һәм балалар өчен чаралар узачак.
Экспозиция 3 киңлеккә бүленгән:
кайгырту һәм мөмкинлекләр киңлеге;
ярдәм киңлеге;
карьера киңлеге.
«Россия» күргәзмәсендә узачак Төбәкләр көннәре барышында «Гаилә. Эш. Озын гомерлелек» павильоны зонасында илнең төрле төбәкләреннән «Актив озын гомерлелек» практикалары тәкъдим ителәчәк. Балалары белән ата-аналар, оныклары белән әби-бабайлар монда күңелле шөгыль таба һәм файда белән вакыт үткәрә алачак.
Башка төбәккә күченергә әзер кешеләр өчен күргәзмә барышында Камчаткада, Амур өлкәсендә, Саха республикасында һәм Россиянең башка төбәкләрендә карьера башлау мөмкинлекләре турында эш бирүчеләрнең презентацияләре узачак.
Чаралар расписаниесе Россия Хезмәт министрлыгының социаль челтәрләрдәге стендында һәм Россия Хезмәт министрлыгының «Россия» сайтындагы битендә бар.
Күргәзмә сишәмбе–пәнҗешәмбе көннәрендә иртәнге сәгать 10 нан кичке 9 га кадәр һәм җомгадан якшәмбегә кадәр иртәнге сәгать 10 нан кичке 10 га кадәр эшли.
Экспозиция 4 ноябрьдән 12 апрельгә кадәр дәвам итәчәк.