«Абилимпикс» чемпионатында 1 урынны алган Чаллы кызы башкаларга ярдәм итәргә планлаштыра

2023 елның 31 октябре, сишәмбе

Октябрьдә Мәскәүдә «Россия – мөмкинлекләр иле» президент платформасының «Абилимпикс» милли чемпионаты ярышлары узды.

Чемпионатта Яр Чаллы шәһәренең «Изгелек» инвалидларны тернәкләндерү үзәгенең социаль хезмәтләр алучысы, «Бисер үрү» компетенциясе буенча региональ чемпионат җиңүчесе Земфира Суфьянова катнашты. Конкурс кысаларында аңа дүрт сәгать эчендә брошь үрергә кирәк булды. Ярышлар нәтиҗәләре буенча Земфира Суфьянова 1 урынны алды, аңа приз, диплом, сертификат һәм медаль тапшырдылар.

Алга таба Земфира Суфьянова башка социаль хезмәтләр алучыларга, алар да шундый ук конкурсларда катнаша алсын өчен, ярдәм итәргә планлаштыра.