Хәйриячеләр Лаеш тернәкләндерү үзәге балаларына бәйрәм бүләк иттеләр

2023 елның 31 октябре, сишәмбе

Лаеш мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр өчен иганәчеләр бәйрәм оештырдылар. Чара учреждениене төзекләндерү буенча «Уңайлы оя» хәйрия проектын тәмамлады.

13 кешедән торган инициатив төркем йокы бүлмәләрен төзекләндерүгә, кер юу машиналары һәм электр плитәсе сатып алуга акча җыю буенча зур эш алып барды. Хәйрия акчаларының гомуми суммасы бер млн. сум тәшкил итә.

Проектны тәмамлап, иганәчеләр балаларга «Жили-были» театр студиясеннән курчак спектакле, балаларның һәр яшь төркеме өчен иҗади мастер-класслар һәм күп кенә татлы бүләкләр һәм сыйлар бүләк иттеләр.