Казанда «Иске Казан әкиятләре» гипертекстлы спектаклен тәкъдим иттеләр
25 октябрьдә «Әкият» балалар үзәгенең концерт залында «Иске Казан әкиятләре» гипертекстлы fashion-спектакленең премьерасы булды. Шулай ук бу көнне шул ук исемдәге әдәби конкурс җиңүчеләрен бүләкләделәр.
Спектакльнең нигезе – 16 һөнәрчелек киезеннән костюм комплексыннан торган коллекция. Модельләр – «Э-моция» Иҗади инклюзив студиясе актерлары, ә «Иске Казан әкиятләре» спектакле нигезендә – шул ук исемдәге әдәби конкурсның иң яхшы конкурс эшләре.
Өлкәннәр һәм 12 яшьтән зуррак балалар өчен спектакль-дефиле 500дән артык тамашачыны җыйды. Бүләкләү тантанасында ТР хезмәт, халыкны эш белән тәэмин итү һәм социаль яклау министры урынбасары Адель Мөбарәкшин катнашты. Ул әдәби конкурс җиңүчеләрен котлады.
2 ноябрьдә спектакль кабат күрсәтеләчәк. Керү бушлай, ләкин сылтама буенча алдан теркәлү кирәк: https://e-mociya.timepad.ru/event/2622954/. ара 18:30 сәгатьтә башлана (Петербург урамы, 57нче йорт, 1нче кат).
Шулай ук спектакльне «ВКонтакте» социаль челтәрендә онлайн карарга мөмкин булачак: https://vk.com/video-222114610_456239071.
«Иске Казан әкиятләре» гипертекст инклюзив спектакле» проекты «Мәдәният» милли проектының «Иҗади кешеләр» федераль проекты кысаларында, «Россия мәдәният фонды» оешмасы тарафыннан бирелгән грантны кулланып тормышка ашырыла.