Татарстанда ел башыннан эшсезләр саны кимеде
Татарстан Республикасы эш бирүчеләре «Россиядә эш» хезмәт мөнәсәбәтләре һәм мәшгульлек өлкәсендә бердәм цифрлы платформасында 46 601 вакансия тәкъдим итә. Шулардан:
- 17,2 % җитештерүдә (8,0 мең эш урыны);
- 9,7 % төзелеш һәм күчемсез милек өлкәләрендә (4,5 мең эш урыны);
- 6,9 % транспорт өлкәсендә (3,2 мең эш урыны);
- 5,4 % сату һәм көнкүреш хезмәте өлкәсендә (2,5 мең эш урыны);
- 4,7 % сәламәтлек саклау өлкәсендә (2,2 мең эш урыны);
- 3,6 % мәгариф һәм фән өлкәсендә (1,7 мең эш урыны);
- 2,1 % азык-төлек сәнәгате өлкәсендә (1,0 мең эш урыны);
- 0,2 % консалтингта (0,1 мең эш урыны);
- 50,2 % – башка өлкәләр (23,4 мең эш урыны).
Татарстан Республикасы хезмәт базарындагы киеренкелек коэффициенты шартлы рәвештә бер вакансиягә 0,12 кеше тәшкил итә. Рәсми эшсезләр сыйфатында 5 386 татарстанлы теркәлгән. Шунысын да билгеләп үтәргә кирәк, ел башыннан республикада рәсми теркәлгән эшсезләр саны 2 085 кешегә кимегән.