«Астра» тернәкләндерү үзәге «Ломая барьеры» форум-күргәзмәсендә катнашты
Алабуга районының «Астра» мөмкинлекләре чикле балалар һәм яшүсмерләр өчен тернәкләндерү үзәге директоры Галина Калашникова Өфе шәһәрендә узган «Ломая барьеры» II Бөтенроссия форум-күргәзмәсендә катнашты.
Чарада катнашучылар мөмкинлекләре чикле кешеләрнең тормышын җиңеләйтә торган инновацион чишелешләр һәм технологияләр белән таныштылар. Форумның бай эшлекле программасы Россиянең төрле почмакларыннан экспертларны җәлеп итте. Форумда катнашучылар һәм кунаклар төрле мастер-классларда, инвалидлар белән эшне оештыру мәсьәләләре буенча түгәрәк өстәлләрдә булдылар, төрле нозологик төркем кешеләрен тернәкләндерү өчен заманча медицина товарлары җитештерүчеләр белән таныштылар.
Форумның төп өстенлеге Россиянең башка төбәкләреннән коллегалар һәм тернәкләндерү җиһазлары җитештерүчеләр белән хезмәттәшлек итү мөмкинлеге белән элемтәләр урнаштыру булды.