Яшел Үзәндә Серго исемендәге заводны кадрлар белән тәэмин итү мәсьәләсе буенча фикер алыштылар

2023 елның 20 октябре, җомга

18 октябрьдә Яшел Үзән шәһәренең халыкны эш белән тәэмин итү үзәге базасында «Серго исемендәге завод» ҖБ» АҖ вәкилләре белән эшлекле очрашу узды. Чарада шулай ук «Паратск студиясе» АКБО катнашты.

Очрашуның төп темасы – шәһәрне формалаштыручы «ПОЗиС» АҖ предприятиесенең кадрлар ихтыяҗын тәэмин итү. Очрашу барышында хезмәттәшлек мәсьәләләре һәм эш бирүченең кадрларга булган ихтыяҗын ябарга ярдәм итә алырлык вариантлар турында фикер алыштылар.

Эшчеләрне җәлеп итү һәм инженер һәм эшче һөнәрләрен популярлаштыру максатыннан «Паратск студиясе» АКБО тарафыннан предприятиедә иң кирәкле һөнәрләр һәм предприятиедә эшләүче кешеләр турында репортажлар циклын әзерләү мөмкинлеге турында фикер алыштылар.