Сукырлар үзәгенең социаль педагоглары «Браилиада»да катнаштылар

2023 елның 19 октябре, пәнҗешәмбе

16–18 октябрьдә Төмәндә «Браилиада» IV Бөтенроссия Брайль системасы буенча уку һәм язу конкурсы узды. Конкурс Россиядә Педагог һәм остаз елына багышланган.

«Браилиада»ның төп миссиясе – күрү буенча инвалидлар арасында Брайль системасы буенча уку һәм язу системасын пропагандалау.

Ярышларда Россиянең төрле почмакларыннан 10 команда катнашты. Һәр командада 3 катнашучы иде. Татарстан Республикасы командасы составында Республика сукырларны һәм начар күрүчеләрне социаль тернәкләндерү үзәгенең ике педагогы керде.

Нәтиҗәләр буенча Бөтенроссия сукырлар җәмгыятенең Татар төбәк оешмасы командасы икенче урынны яулады.