«Юлдаш» интернат-йортында яшәүчеләр аквафиштерапияне үзләштерә
Социаль туризм – тернәкләндерүнең уникаль чарасы. Ул өлкән яшьтәге кешеләргә һәм инвалидларга җәмгыятькә интеграцияләнергә мөмкинлек бирә, тулы мәгънәле аралашу мөмкинлеге бирә. Бу технологиянең иң мөһим юнәлешләренең берсе – экологик юнәлеш.
Шушы көннәрдә Чистайның «Юлдаш» өлкәннәр һәм инвалидлар өчен интернат-йорты белгечләре Анна Михеева һәм Ирина Баранова социаль хезмәтләр алучылар өчен балык тоту оештырдылар. Аквафиштерапия интернат-йортта яшәүчеләр арасында популяр. Сулык янында саф һавада ял итү, балык тоту – табигать белән берләшү өлкән яшьтәге гражданнарның һәм инвалидларның актив озын гомерлелек чорын озайтырга мөмкинлек бирә.
Чистай районының Мөслим авылындагы күлнең матур ярында ял иттеләр. Анда пикник оештырдылар, уха әзерләделәр. Хезмәт буенча инструктор Ирина Баранова сүзләренчә, мондый чаралар интернат-йорт карамагындагыларга аралашу һәм яңа белемнәр шатлыгы, сәяхәт итүдән рәхәтлек бирә.
